قومی شناخت کی تشکیل نَو کا مسئلہ تشکیلِ پاکستان کے وقت سے لے کر اب تک مسلسل زیرِبحث ہے اور اس کی تازہ جہات سامنے آتی رہتی ہیں۔ ڈاکٹر خالد مسعود نے اس مسئلے کو اقبال کی تین نظموں "مسجدِ قرطبہ”، شکوہ” اور "جوابِ شکوہ” کے تناظر میں اور دورِ حاضر کے زمینی حقائق کو سامنے رکھتے ہوئے سمجھنے کی سعی کی ہے۔ مطالعے کا یہ زاویہ بیک وقت سیاسی، سماجی، تہذیبی اور ادبی جہات کا حامل ہے سو اس میں فکرانگیزی اور دلچسپی کے زاویے گوناگوں ہیں۔ قارئینِ "تجزیات” سے یہ تحریر خاص توجہ چاہتی ہے۔ (مدیر)